Back to Top
Vigilante banner image

Bill Cosby deklará liber for di prizòn


June 30, 2021 • 2 minüt pa lesa

Philadelphia,– Apenas 3 aña será, Bill Cosby a haña su libertat despues ku korte supremo ta kanselá i anulá e kondena di 10 aña ku Bill Cosby a risibí.

Durante tratamentu di e kaso di Bill Cosby den korte supremo di Pennsylvania, su kondena a keda kanselá i anulá despues ku segun korte Cosby su kasonan no a kana riba un manera hustu.

Un di e aktornan mas popular den añanan 1980, a keda kondená pa 10 aña den prizòn despues ku e lo mester a droga i violá e dama, Andrea Constand. Cosby ku tabata será pa mas ku 2 aña, tabata será den e prizòn prinsipal di Philidephia.

Segun abogadonan di Cosby, e aktor su kaso penal no tabata kana riba un manera hustu. Aunke e kaso kaminda Cosby a risibí un kondena di 10 aña tabata debí ku e lo mester a violá e dama Andrea, e wes ku a trata e kaso den promé instante a laga otro damanan tambe deklará kontra di Cosby. Segun e abogadonan di Cosby, e damanan aki nan deklarashon nan tabata for di aña 80 pues nan no por tin ningun balides mas den 2015 durante e kaso kontra di Cosby.

Segun korte supremo, e deklarashon nan di e damanan for di 1980 a hunga un ròl muchu grandi den e kondena di Cosby debí ku basta tempu a pasa atrabes di aña. Ademas, korte a usa deklarashon nan di Cosby ku el a hasi den un kaso sivil, den su kontra den e kaso penal. E akto aki segun korte supremo ta kibra derechinan di Cosby, pues esaki tambe lo keda anulá.

Korte supremo ta agregá, ku mirando e kantidat di fayo ku a tumá lugá den e kaso penal kontra di Cosby, úniko solushon ku a keda ta pa dun’é bèk su libertat i anulá tur deklarashon den su kontra pa loke ta trata kasonan kontra di su persona i e dama Andrea Constand.

Na mei di e aña aki korte a anulá pa saka Cosby mas trempan for di prizòn debí ku e aktor no ke a sigui kursonan pa personanan ku a yega di violá hende. Segun Cosby, e ta preferá di bai 10 aña será, ku e mester atmití ku e tabata fout di anda ku Andrea Constand. Cosby ta finalisá bisando ku henter e asuntu aki tabata un wega kla prepará kaba.

Login