Back to Top
Vigilante banner image

Bitcoin ta kai bou di 50 mil dòler despues ku Elon Musk a bisa Tesla no ta aseptá e kriptomoneda


May 15, 2021 • 2 minüt pa lesa

Palo Alto — E preis di Bitcoin a kai bou di 50 mil dòler ayera mainta despues ku CEO di Tesla, Elon Musk a tweet un dia promé riba Twitter ku e fabrikante di outo elektróniko lo stòp di aseptá e kriptomoneda komo pago pa su vehíkulonan. 

Musk djarason último a trese dilanti su prekupashon ambiental pa e kambio di polítika. 

“Nos ta preokupá tokante e oumento rápido den uso di kombustibel fosil pa Bitcoin i transakshonnan, spesialmente karbon, ku tin e pió emishon di kualkier kombustibel”, Musk a bisa riba Twitter. E la agregá ku e kriptomoneda ta un bon idea riba vários nivel, pero no su promesa no por bin na gran kosto pa medio ambiente. 

Tambe e la bisa ku Tesla no ta bai bende ningun di e Bitcoin ku e kompania tin. 

E preis di Bitcoin a kai na 49,880 dòler den interkambio djaweps mainta, e promé biaha ku e la kai bou 50 mil dòler for di komienso di Mart. Akshonnan di Tesla tabata pronostiká pa ganashi djaweps trempan despues di a kai na 4.4% un dia promé. 

Tesla a bisa na luna di Febrüari ku a invertí alrededor di 1.5 bion den Bitcoin i tabatin plan pa kuminsá aseptá e moneda digital komo pago pronto. E balor den merkado di Tesla su holding di Bitcoin te ku dia 31 di Mart tabata 2.48 bion, segun dokumentonan di seguridat. Bitcoin ta dependé riba kòmpiuter, ku ta dependé riba elektrisidat, pa su eksistensia. E kantidat di kòmpiuter i energia nesesario pa esakinan ta oumentando, e balor ku a krese di bitcoin ta direktamente mara na e kantidat di energia ku ta usa. Esnan ku ta mira Bitcoin ta unlock e bitcoin dor di resolvé pùzel úniko i kompleho. Miéntras e balor di Bitcoin ta oumentá, e pùzel ta bira kada bes mas difísil i ta rekerí mas energia di kòmpiuter pa resolvé. Kalkulashon di kon hopi energia Bitcoin ta usa, ta varia. 

Un estudio na aña 2019 di investigadónan di Universidat Tékniko di Munich i Instituto di Teknologia di Massachusetts a konkluí ku, na fin di aña 2018, henter e ret di bitcoin tabata responsabel pa 22.9 mion CO2 pa aña, similar na un siudat grandi den west òf henter un pais den desaroyo manera Sri Lanka. Emishonnan global total di e gas di tera fèrtil dor di kima kombustibel fosil tabata alrededor di 37 bion ton aña pasa. 

Login