Aglomerashon konstatá na un di e establesimentunan.

Willemstad- Durante kontròlnan ku ketu bai e tim di kontròl forma pa MEO, UBW i KPC ainda tin komersiantenan ku no ta tene nan mes na e reglanan.

Ainda tin e problema ku mester atendé ku komersiantenan ku ta pensa ku nan por sera lat i laga klientenan para dilanti na establesimentunan i ta lubidá ku tur dia e tim di kontròl ta riba kaya pa ehersé nan labor. Un biaha mas a repartí but pa negoshi ku a sera lat. Tambe mester keda duna aviso na komersiantenan ku no por tin niun hende para na e negoshinan ta konsumí mirando ku esaki ta trese kuné aglomerashon. A hasi kontròl na un total  di 18 establesimentu kual a repartí 1 but i tambe a duna 10 atvertensha. The Brother Grill Food Truck na Jan Noorduynweg a risibí un but pa motibu ku no a mantené na regla i a sera lat. Cai Yu Restaurant, Yida Bar Restaurant, Gosieweg Cafe Bar, Yolanda Snack, Nos Restaurant a risibí atvertensha pa no sirbi kliente na e lokalidat. Pa loke ta trata e establesimentunan ku ta tin aglomerashon a bai na Toko Dream, Blue Moon Bar Restaurant, Chipi Chipi Mini Market, Toko Jenny i Ming Fa Restaurant unda a konstatá hopi hende na e sitio. E kontròlnan ta kontinuá mirando ku a suavisá un tiki, pero tòg tin establesimentunan no ta mantené nan mes na sierto reglanan.