Back to Top
Vigilante banner image

Caribbean Baseball Cup kla pa ranka sali dia 26 próksimo ku kuater pais


June 22, 2021 • 1 minüt pa lesa

Willemstad,– Durante di un rueda di prensa ayera na Tio Daou Ballpark, federashon di beisbòl di Kòrsou a anunsiá ku di 26 di yüni pa 3 di yüli lo tin e Caribbean baseball Cup ku partisipashon di kuater ekipo inkluso Kòrsou. E tres otronan ta US Virgin Island, Pero i Cuba.

Entrada pa e weganan aki ta kosta 10 florin pa dia, pero es ku sali lo mester bolbe paga pa e drenta, miéntras ku tambe tin pakete spesial ku ta bálido pa tur e weganan i esaki ta kosta 55 florin. VIP ta 100 florin pa dia i bo ta haña 5 ko’i bebe, tres pasa palu i tambe un mojito.

Tambe a papia di e reglanan di wega mes, kaminda a splika ku lo hunga 9 inen, pues no tin límite di tempu i si e wega ta empatá lo hunga mesora dos inen èkstra.

Tur e weganan lo tuma lugá den Tio Daou Ballpark ku e promé partido kuminsando 3’or atardi i e di dos wega ta kuminsá 8;or anochi. E ekipo di Kòrsou lo hunga tur su weganan 8’or. Ta bon pa informá tambe ku benta di karchi lo kuminsá djarason awor den Tio Daou Ballpark.

Segun presidente di FEBEKO a informá, te ku ayera no tabatin ningun media ku lo transmití e weganan i p’esei e ta pidi pueblo pa kumpra bo karchi pa asina bo por presensiá e tremendo weganan aki. No tin límite di públiko i pues tin lugá pa tur esnan ku kier wak e weganan.

Login