Back to Top
Vigilante banner image

Carolina: "A konstatá ku tin consultant ta risibí pago i no ta presta nada"


November 23, 2022 • 2 minüt pa lesa

Parlamentario Carolina ta bisa ku te ainda tin empleadonan di consultant sintá pornada sin ta traha.

Willemstad- Parlamentario Juniel Carolina ta splika ku e tema di consultant ta un di e temanan di desafio ku gabinete pisas 2 a bin enkontrá ku n’e. a konstatá ku tin consultant ku tabata risibí pago i no ta presta nèt nèt nada di labor.

Empleadonan di hür dor di consultant te ainda den sierto Ministerio, no tin niun tarea i ta sinta koba  den nanishi tur dia miéntras pueblo di Kòrsou tin ku paga, segun Parlamentario Carolina. E ta bisa ku tambe a konstatá ku tabata tin consultant ku ta sirbi dos te tres Ministerio pareu i kada un Ministerio tabata tin ku paga pa esaki. segun Parlamentario Carolina, por a duna oportunidat pa otro consultant haña un pida for di e bolo.

Parlamentario Carolina ta bisa ku segun e rapòrt e entrega i dunamentu di informashon tokante enkargonan di consultant a bai hopi atras. tambe e kumplimentu ku e maneho riba e tereno di asesoriá no a bai dilanti i pa loke ta trata e evaluashon ku mester a hasi enkuanto kumplimentu, esaki a bai signifikatívamente atras.

Ora ku pasa den e kousa di dividensianan konstatá bo por mira un kantidat di punto ku a bini dilanti kaminda ta mustra ku no ta dokumentá e proseso di destaho den file i debí na esaki e proseso no ta transparente. Pues, mirando bèk esaki no ta kontrolabel.

Carolina ta pone atenshon tambe riba e echo ku e Ministerionan no tabata sufisiente bon na altura di e instrukshonnan i ainda no ta sufisiente bon na altura d e reglanan  nobo di destaho introdusí dia 1 di yanüari 2016 i di e efektonan deseá pa e reglanan aki.

Kontrolaria a yega na konklushon i rekomendashonnan. Parlamentario Carolina ta para ketu riba e parti kaminda Kontrolaria General ta bisa pa introdusí medida di sanshon pa inkuplimentu ku regla. Parlamentario Carolina ke sa ku e reglanan ta eksistí mirando ku segun e, e puntonan kaminda a konstatá e kousanan di defisiensia tin un violashon di e lei di ‘strafrecht’ artikulo 344.

Login