Na Momento ku Chareti America a bira Presidente di Parlamento.

Willemstad—–Djamars mainta dia 11 di mei 2021 Parlamento a tene su promé Reunion Públiko despues di e akto di huramentashon serka Gobernador di Kòrsou su ekselensia señora Lucille George Wout.  Komo e kolegio di Representashon di Pueblo aki ta nobo i lo representá pueblo pa e periodo legislativo 2021-2025, mester a eligí un Presidente i un Vise Presidente. 

Komo Presidente as keda eligí señora Charetti America-Francisca i komo Vise Presidente a skohe señora mr. Ruthmilda D. Larmonie-Cicilia. Parlamento di Kòrsou ta e órgano di estado mas haltu den nos sistema demokrátiko. Kada kuater aña ta tene elekshon liber i sekreto pa pueblo skohe ken nan ke pa representa nan den Parlamento.