Back to Top
Responsive image
E korant di pueblo

Chelsea Valies a resultá “Miss Curaçao Teenager 2020


February 8, 2021 • 1 minüt pa lesa

WILLEMSTAD,—-Djasabra tras di lomba, a tuma lugá e final di “Miss Curaçao Teenager 2020”, kaminda ku 8 Beyesa, a partisipá den e anochi final. Mester bisa ku e dicho sertámen final tabata riba un nivel hopi haltu.

Den un show bunita den e esfera árabe djasabra último, “I.B.F.F.” a presentá e edishon di “Miss Curaçao Teenager 202”0. Un anochi bunita ku a kana den un esfera kompletamente nobo mirando ku mester a transformá e sala solamente pa transmishon. No por ta tin públiko ya pa motibu di e normal nobo ku mundu kompleto ta bibando den dje.  

Pero “I.B.F.F.”, a sòru ku bou di tur e reglanan ku MEO a pone tòg pa presentá un show super bunita na nivel. Komo resultado:  Miss Amistat, Miss Miss Popular, Miss Internet 2020 a resultá Partisipante number  3: Lianne Hoevertsz.  Miss Koreografia i Miss Disiplina 2020 a resultá: Partisipante number 1: Rigene Isenia. Miss Sosial Media a resultá: Partisipante number 8  Chelsea Valies . Miss Fotogénika, Miss Elegansia, Best Evening Gown a resultá: Partisipante number 4: Danila Magdalena. Ronda di Semi finalista a pasa: Partisipante number 1 Rigene Isenia, Partisipante 4, Partisipante 6 i Partisipante 8. Komo resultado Final:  Segunda Finalista: Rigene Isenia. Promé Finalista: Danila Magdalena . Ganador apsoluto: Chelsea Valies

IBFF ke gradisí kada mayor, spònser i boluntario ku a yuda e organisashon aki aunke tempu ta difísil dor di e pandemia aki tòg a sa di presentá un sertámen na nivel pe pueblo di Kòrsou. Kòrsou disfrutá di bo 3 hóbennan ku tin e tarea di bira bos di nos hóbennan den e aña aki. Pabien Chelsea Valies i su finalista nan.



Login