Back to Top
Responsive image
E korant di pueblo

Chile aserká pa CONMEBOL komo posibel sede pa Copa America 2021


May 31, 2021 • 1 minüt pa lesa

Buenos Aires—Despues di hopi rumor i spekulashon, pa di dos biaha Argentina ta opta pa rechasá e sede di Copa America 2021. Esaki ta lokual e organisashon di futbòl fo’i e kontinente sur amerikano, COBMEBOL,  a konfirmá. E pais di Maradona lo no ta sede dje kampeonato mas.

No ta promé biaha Argentina ta rechasá e sede. Ya algun luna pasá tabatin spekulashon ku e kopa lo no sigui na e pais “Gaucho”  pasobra e nivel di Covid tabata demasiado haltu. Ayera segun un komunikado di CONMEBOL, a kanselá Argentina debí na “sirkunstansha”. Ku Colombia tambe for di alternativa,  CONMEBOL tin apénas 12 dia mas pa haña un sede. Copa America ta planiá pa inisiá 13 di yüni próksimo.

Te ku ayera a konsulta ku Chile pa wak e posibilidatnan despues ku Paraguay tambe a opta pa bisa no. E torneo ku tin 10 pais di Sur Amérika partisipando e aña aki a opta pa dividí e sede entre Argentina di Colombia. Esaki ta promé biaha den 105 aña dje torneo. CONMEBOL te ainda no a informá e motibu dikon, pero Argentina ta bringando kasonan di Covid. Te ainda, anke no konfirmá, CONMEBOL a papia ku Chile komo posibel anfitrion



Login