WILLEMSTAD,– Djasabra tras di lomba for di 9 or di mainta te 3 or di mèrdia klientenan di CIBC First Caribbean por a probechá di finansiamentu faborabel na kompra di un vehíkulo na Select Automotives.

Select Automotives kende ta e spesialista di markanan manera Volkswagen, Audi, Seat i Porsche a tene un dia eksitoso pa loke ta benta di outo. Den kolaborashon ku e banko CIBC First Caribbean, ámbos organisashon a sòru ku nan klientenan nobo lo ta bon ekipá ku nan vehíkulo nobo.

Último añanan CIBC First Caribbean ta un dje bankonan ku ta duna mihó finansiamentu na kompra di un vehíkulo. CIBC First Caribbean por finansiá te ku 100% di e vehíkulo ku un tèrmino máksimo di 7 aña. Tambe e banko ta konosí pa su proseso lihé di aprobashon kual a sòru ku e banko ta kreando un nòmber konosí den merkado di kompra di outo.

Durante e “Autoshow” ku a tuma lugá riba 28 di Yanüari klientenan di CIBC First Caribbean por a probechá na risibí Nafl. 1500,- “Cash Back” adishonal ku un voucher di Nafl 1000,- na Goisco na kompra di un Volkswagen Taos.