Sali: Cicely vd Dijs ayera despues di a sali for di SDKK den kompania di Marije Vaders.

Koral Specht—Cicely vd Dijs ayera mèrdia a logra rekobrá su libertat despues di a sinta un veredikto di wes pa 7 luna di Sentro di Detenshon i Korekshon Kòrsou.

Tabata ayera mèrdia pa ta eksakto 1.30, amigunan di vd Dijs huntu ku su defensor legal, Marije Vaders por a pasa buska e komersiante Cicely vd Dijs na SDKK. Vd Dijs, a yega su tèrmino reglamentario despues di a keda 6 luna, pafó di su libertat den SDKK. Marije Vaders komo su representante legal a yega na e instituto i na porta a risibi su kliente pa huntu den kompania di amigunan a logra transport’é pa kas unda e por a reuní ku su dos yunan muhé. Vd Dijs a drenta den oranan di mèrdia riba 23 di ougùstùs i sinta su tèrmino kompletamente.