Back to Top
Vigilante banner image

Cleopa kier haña sa resultado di investigashon di Rampa


February 18, 2021 • 1 minüt pa lesa

Willemstad,– Parlamentario Eugene Cleopa den kombersashon ku Vigilante a bisa nos ku tin dos funshonario públiko na kas pa vários luna kaba debí ku ta sospecha ku nan a hasi kosnan kos nan riba nan mes sin konosementu di nan supervishornan den e asuntu di konstrukshon di e Rampa na Kenepa.

Señor Cleopa ta bisa ku minister Zita Jesus Leito a kuminsá ku un investigashon, pero te ainda parlamento no tin informashon kon a bai ku e investigashon.

E parlamentario pa partido MAN ta bisa ku a gasta 150 mil florin pa e Rampa i ku hasta a basha e Rampa abou, pero te ainda no a tende nada. E ta sigui splika ku DOW ta instansia di gobièrnu i pues parlamentu kier sa kon leu e investigashon ta i/òf kiko ta e resultado di e investigashon. Señor Cleopa ta urgí minister  Zita Jesus Leito pa kompartí e resultado di investigashon aki òf duna parlamento informashon kon leu ta ku e investigashon.

Login