Back to Top
Vigilante banner image

Plan di Gradus ku Knops ta kai na awa!


March 24, 2021 • 2 minüt pa lesa

Warda: Raymond Gradus mester warda un tiki mas pa logra haña kòntròl den maneho finansiero di Kòrsou

Punda—E plan di “uza konsenso konforme negoshadónan for di 2007 den Reino a utilisá” no ta bálido mas. Hunta di Konseho den Reino a pone un punto final ku “konsenso” ta nifiká muchu mas ku manipulashon.  For di 2007, negoshadónan i konsultentnan den Reino Hulanda tabata manipulá rònt di Statüt pa responsabilisá shantahe finansiero pa kibra outonomia.

“No mas”. Esei tabata e mensahe bon kla di Hunta di Konseho di Reino pa lokual ta trata COHO pero tambe pa siguiente generashon pensa pa nunka mas uzo e terminologia falsu di “konsenso”.  Komo ehèmpel por apuntá kon e aktual konseho ta kuestioná e relashon entre  COHO e kolegio di finansiero Cft. Segun Hunta di Konseho, COHO ta surpasá outoridat gubernamental di Kòrsou, lokual ta klaramente kontra di Statüt.

Por ehèmpel den kaso di un gobièrnu nobo i skohe 2021 mesora, e nesesidat finansiero pa gobièrnu di Kòrsou, lo no ta muchu diferente durante promé kuartal di 2021. Bahada den pagonan di impuesto den tur kategoria lo okashoná un défisit serio fo’i inisio di 2021. Hulanda lo uza COHO komo èrmènt pa yuda, lokual ta un situashon tenso pa desaroyonan polítiko di Kòrsou. E akuerdo polítiko ku Rhuggenaath i Martina a firma,  ta un fase preliminar pa kuminsá enkaminá e formashon di e Leinan di COHO i akuerdonan bilateral na nivel di pais, e asina yamá Pakete di Pais. Hulanda tin mira a largo plaso pa ehekushon di e lei nobo. E Lei di Konsenso nobo a trese kambio den e lei di Konsenso pa Supervishon Finansiero spesífikamente pa por drenta mas profundo den kòntròl riba gastunan di e servisionan di gobièrnu. E Lei di Konsenso kombiná ku e Pakete di Pais, ta eliminá tur outoridat for di ministernan den gobièrnu di Kòrsou. Ku e lei nobo, Hulanda por uza instrumentonan pa influensha maneho den tur servisio di gobièrnu, inkluso por ehèmpel pone hefe di departamento nobo.  Esaki Hunta di Konseho di Reino a rechasá komo un instrumento legítimo demokrátiko. For di siman pasá gobièrnunan di Kòrsou, Aruba i St. Maarten tabatin e konseho.

Login