CORC lo kuminsá ku kreashon di 750 kupo di trabou.

Willemstad- Durante e reunion di parlamento riba 15 di Sèptèmber diferente parlamentario tabata a bin ku basta pregunta pa direkshon dje direktiva di CORC. Un pregunta ku a ser tratá tabata e kantidat di trabou ku CORC lo krea na momentu ku nan kuminsá operá. 

Un punto di atenshon durante e reunion di parlamentu tabata ku mayoria parlamentario tabata ke sa kuantu kupo di trabou CORC lo krea na momentu ku nan start e operashon bèk dje refineria. Riba e pregunta aki direktiva di CORC a kontestá ku pa loke ta trata kupo di trabou, CORC ta splika ku nan ta mara un kantidat di 750 pa 800 kupo di trabou ku nan por tuma den e promé instante. Den futuro nan ta ferwagt un segundo i terser grado kual lo generá mas kupo ainda. E segundo grado lo kuminsá na momentu ku CORC start ku nan planta di gas i e terser grado lo bira maneho di e barkunan.

E direktiva ta agregá ku lo bai tin kupo pa trabou pero sigun un proseso. Lo bai sera kòntrakt ku mas kontratista. E kontratistanan lo no traha komo trahadó, pero komo un partner di CORC. Tambe lo bai tin asta kontratista di afó ku lo bin pa yuda nos, e direktiva ta kontestá.