SCHIPHOL—Organisashon di biahe Corendon ta bai laga ménos pasahero sali for di Schiphol pa motibu di problemanan na e airport.

E kompania a skohe pa amplia su vuelonan for di Brussel segun direktor Atilay Uslu. Zomer pasá Corendon a planiá pa 350.000 pasahero sali for di Schiphol pero debí na falta di personal i limitashonnan esaki a bira 250.000. Otro aña zomer e organisashon lo tin ainda menos pasahero ku lo biaha via Schiphol: 230.000. Na Brussel Corendon ta amplia e kantidat di pasaheronan di 150.000 pa 260.000 proksimo zomer. Banda di skarsedat di personal di seguridat, tin tambe oumento di gastunan ku ta hung un ròl, segun Uslu. A subi e impuesto di vuelo i tambe di Schiphol. Na Brussel por ofresé e pasaheronan un tipo di vakashon. Di su banda Schiphol ta haña e situashon ferfelu. Tabatin filanan largu na salida pa e falta di personal di seguridat, segun Schiphol. Kompanianan di aviashon mester a kanselá vuelonan, pasaheronan a pèrde nan vuelo i no tur pasahero por a biaha for di Schiphol. E limitashonnan tei ainda, sigur te fin di mart ta konta un máksimo kantidat di pasaheronan. Ku e medidanan ku a tuma ta duna pasaheronan pronostiko segun Schiphol. Tur kos ta dirigí pa rekuperá e kapasidat i konfiansa, asina Schiphol a enfatisá.