Back to Top
Vigilante banner image

Corendon ta inisiá ku biahenan di krusero for di Kòrsou


January 10, 2025 • 2 minüt pa lesa

WILLEMSTAD, — Curaçao ta bai bira interport pa biahenan krusero den región di Caribe. Esaki grasias na un kolaborashon entre e empresa Británico Ambassador Cruise Line i Corendon. Esaki a keda anunsia awe na Kòrsou dor Atilay Uslu, CEO di Corendon.

Na tur lo tin 10 cruise durante e temporada haltu di 2025/2026. E cruises den kolaborashon ku Corendon ta kuminsá den high-season krusero di novèmber 2025, ku embarkashonan riba djarason i djasabra for di haf di Willemstad pa islanan manera entre otro Guadeloupe, Barbados, St. Kitts, St. Lucia, St. Maarten, Aruba i Boneiru. E prome biahe for di Kòrsou ta Sali 19 di novèmber 2025. E ultimo ta programá pa 21 di febrüari 2026.

Pa e cruise ta bai usa e barku krusero Renaissance di e empresa Británico Ambassador Cruise Line ku hunt uku Corendon ta bai organisa biahenan krusero den Karibe. Renaissance no ta deskonosi pa Curaçao i región di Caribe. Antes lo a sirbi komo e Maasdam di Holland America Line (HAL).

Kòrsou ta bira un haf pa Renaissance na unda pasaheronan di Kòrsou, Estádos Unídos, Sur Amerika, i regional di Aruba, Bonaire i Sürnam por subi e barku. Corendon ta bai enfoka pa su cruisenan tambe riba bishitantenan di Hulanda i otro pais manera Bélgika i Inglatera, ku via Corendon por subi e barku na Kòrsou. Pasahero ta subi abordo pa un bishita di 10 te 11 anochi. Nan por skohe tambe pa keda mas largu na Kòrsou pa un estadia den un hotel di tres, kuater of sinku strea.

Corendon a anunsia ku un biahe den un kabina interior pa 10 of 11 anochi (11 of 12 dia). Un biahe ta kuminsa na 999 Euro. Biaheronan por skohe den diferente klase, manera un kabina interno, un kabina ku bista riba laman, un kamber ku balkon  of ku un terasa. E preisnan ta kambia depende di e tipo di kamber. E durada di e biahe ta bai depende di e ruta. Por skohe diferente ruta riba diferente fecha, asina Uslu a anunsia durante un konferensia di prensa den The Rif Resort Curaçao.

Renaissance ta un barku krusero di e klase Statendam ku 629 kabina. Den luna di oktober 2022 e barku a keda kompletamente renová i revisá pa Damen Shipyards den e haf Francés Brest. E barku ta perfektamente mantene i ta ofrese un servisio di lata kalidat a bordo.

Biahenan di cruise ta hopi popular den e región di Caribe. Kòrsou ta ser konsiderá pa ekspertonan komo un punto ideal pa embarka riba un cruise den Karibe. Pasaheronan riba Renaissance por gosa di destinashon idiliko ku un alto grado di kultura i istoria. E región di Karibe ta ofrese un gran variedad di aktividat, mientras esnan ku gusta trankilidat por gosa di e ambiente riba e barku krusero.

Por hasi tur tramite pa e biaha pa medio di e websait www.corendon.nl/cruise of personal na agensia di biahe di Corendon na Skarlo 27. E agensia di biahe ta alkansabel via email [email protected] Whastsapp +59996668612 of telefon +59994650515. Na Boneiru por tuma kontakto ku Corendon Travel Agency Bonaire, EEG Boulevard 97 i via Whatsapp +599 7006055.

Pa mas informashon bishita e website: www.corendon.nl/cruises-curacao

Login