Willemstad, 12 Ougùstùs 2021 — Cpost International N.V. ta presentá ”Edifisionan Religioso di Kòrsou”, un seri di stampia úniko di edifisionan di e kuater movementunan religioso na Kòrsou. Semper kreyentenan Kristian (Katóliko i Protestant), Hindu, Hudiu i di Islam a biba huntu di un forma pasífiko i liber pa práktika nan fe aki na Kòrsou.
Rònt nos isla, nan kasnan di devoshon ta representá un espasio seif kaminda fielnan por bini huntu pa selebrá nan fe den nan seno. Ku lansamentu di e stampianan aki, Cpost International N.V. ta orguyoso di por tira lus riba i selebrá Kòrsou su diversidat religioso.