Back to Top
Responsive image
E korant di pueblo

CRA ta inisá ku tayer pa gerentenan di restorant


July 9, 2021 • 1 minüt pa lesa

CRA ta organisa un tayer ku ta konsisiti di seis (6) diferente seshon

PUNDA- Curaçao Restaurant Association (CRA) a desorayá un workshop spesialmente pa gerentenan di restorant lokal. E programa a keda trahá huntu ku Teamwork Curaçao i lo konsistí di seis (6) seshon ku lo elevá e abilidatnan di e partisipantenan na un nivel superior.

Awor ku e restorantnan na Kòrsou a kuminsá drai bèk i turismo i ekonomía ta mustra di ta rekuperando, CRA tin e intenshon di traha huntu ku miembronan na desaroyonan nobo. Algun seshon di workshop ta forma parti di e esaki.

E seshonnan di workshop lo sirbí komo “stepping stone” pa e programa di sertifikashon ku e asosiashon ta trahando riba dje aktualmente. Esaki lo krea un nivel minímo ku restorantnan mester kumpli kuné pa por operá.

Teamwork Curaçao lo diseñá e tayernan, spesialmente desaroyá pa e programa aki i Avila Beach Hotel a akordá ku koperashon di sala pa e evento. Diferente treiner profeshonal lo ta disponibel pa duna e workshopnan den grupo chikí.

E programa lo konsistí di diferente tema manera liderazgo, maneho di konflikto i abilidat di komunikashon. E workshopnan lo tuma lugá, un bes pa luna, entre 20 di yüli i 14 di desèmber i ta kosta Naf 100,- pa workshop pa restorantnan ku ta miembro di CRA. Restorantnan ku no ta miembro mester paga NAf 300,- pa kada workshop. Na final di kada seshon tur partisipante lo risibí un sertifikado.

Login