Willemstad—- Segun Parlamentario Croes ku na yanüari 2021 a kuminsá ku e trayekto importante pa drecha nos skolnan ku fondo nan ku Hulanda a pone disponibel (30mion Euro pa ta eksakto). Croes ntin vários pregunta pa ku e progreso di e trabounan di renovashon ku a inisiá kasi dos aña i mei pasa.

1.  por risibí un lista di tur fase nan di renovashon i kua skol ta kai bou di kada fase?
2.   por risibí un “overzicht” di tur e skol (nan) ku a renobá kompleto te ainda i kuantu esaki(nan) a kosta kada unu?

Croes  tin entendí ku ta for di Novèmber 2022 Hulanda a manda e tranche di 14.5 mion florin pa Kòrsou, pero ku esaki ainda ta pega na Ministerio di Finansa i no a yega Ministerio di OWCS ainda (i pues tampoko na e organisashonnan ku tin ku hasi e trabounan di renobashon), osea 7 luna a pasa mientrastantu.

• E informashon aki ta kuadra? Si esaki no ta e kaso (mas), Minister por konfirmá kon largu e sèn nan aki a keda na Ministerio di Finansa i splika dikon e sèn nan aki a keda pa e tempu aki na Ministerio di Finansa?
• Tin retraso pa ku e trayekto na e momento nan aki? Si esaki ta e kaso, na unda eksakto i kiko ta e motibu(nan)?
• Ora a/ta renobá un klaslokal, te hasi esaki teniendo kuenta ku tur e kambio nan nesesario pa por digitalisá un lokal? Osea por lo mínimo aktualisá òf añadí koriente i infrastruktura na kada lokal?
• Kuantu sèn lo kosta total pa renobá di tur skol na Kòrsou sigun e rapòrt nan traha?
• Mirando kon e trayekto ta kanando te ainda i kiko esaki ta kosta, Minister lo bisa si e 30mion Euro ta sufisiente pa drecha tur skol na Kòrsou (lagando afó e skolnan ku lo bai sera i no ta bini na remarke pa renobashon)?
• Suskrito lo por hasi un bishita na un/algun di e skolnan unda a kaba ku tur trabou di renobashon?

Sperando di a kontribuí positivamente i sperando un pronto reakshon,