Willemstad- Durante un konferensha di prensa awe, Paul Pennicook, direktor di Ofisina di Turismo di Kòrsou (CTB) a presentá informashon aktualisá di e kantidat di turista di estadia ku a bishitá Kòrsou, e kantidat di buelonan pa Kòrsou i e inisiativanan di merkadeo di mas importante ku ta keda ehekutá na e momentunan aki den e merkadonan prinsipal pa Kòrsou. Apertura di e konferensha di prensa tabata na enkargo di Minister di Desaroyo Ekonómiko, Dr. Steven Martina kual a suprayá e importansia di e sektor di turismo pa por sigui empuhá desaroyo ekonómiko.