Willemstad— A bira un kustumber ku hopi i  e biaha aki  gerensia di prizòn tambe  ta reakshoná  riba loke nan ta wòrdu publiká riba retnan sosial sin tuma e tempu pa lesa algu ku a sali den un medio di komunikashon den e kaso aki Vigilante i ta trata di defendé nan mes pero no ta ni lesa e artíkulo enkestion .

Ku luho i detaye Vigilante a relatá un kaso ku a wòrdu trata den korte ora  ku un dama ku tabata laborá riba e tereno di PRIZÒN esta na e parti di barak di ilegal komo bewaker a bai buska su derechinan despues di a keda retirá pa e kompania priva  ku e tabata laborá pe esta CVD ora ku a hañ’é na soño riba trabou.  Den e artíkulo a relatá ku luho i detaye ku e dama tabata traha komo bewaker pa e kompania di vigilansha priva riba e tereno di PRIZÒN. Si  e dama su tarea tabata pa vigilá algun persona ku ta enkarselá pa loke  sea e ta un BEWAKER. Na niun momento den e artíkulo no a pone ku ta trata di un bewaker di Prizon pero si a relatá ku ta trata di un bewaker ku tabata traha NA prizòn. Si gerensia di Prizon  tin problema kon pa no tin tempu pa  lesa un artíkulo ku a wòrdu relatá na papiamentu si Vigilante no por yuda.  Na niun momento no a relatá ku un personal di SDKK a risibí retiro pero si a relatá ku ta trata di un bewaker ku tabata traha na Prizon i no un bewaker di prizòn.

Si tur esnan  den e instituto i òf komunidat ku a wòrdu konsterna pa e notisia lo a djis tuma nan tempu lesa e relato nan por a tuma nota ku ta trata di un empleado di CVD ku tabata laborá komo bewaker na prizòn. Tal manera e  detenidonan a reakshoná despues di a tuma nota di reakshon emití riba ret sosial pa gerensia di SDKK, ku si ta pa e trato den prizòn e gerensia tabata sali dje lihé ei pa su klientenan asina anto sigur e lugá lo ta hopi mas mihó ku loke gerensia  ta laga aparentá.   Aki lo bai relatá e titulo d e artíkulo ku a sali riba e di dos página di Vigilante” Bewaker drumi na prizòn ta haña retiro inmediato.” Na niun momento so a relatá ku ta un bewaker di prizòn i òf un trahadó di prizòn. Den e kaso aki si e dama tabata laborá komo bewaker pa un kompania priva kiko mester a relatá ?. E titulo di e portada di e korant mes tabata bisa lo siguiente: “Bewaker ta pega soño na prizòn i pèrdè trabou.”  Next time si tuma tempu djis lesa e artíkulo por evitá ku ta trata di desbaratá algu tratando di mustra ku loke a wòrdu relatá no ta kuadra pero ku debidamente ta algu ku a sosodé ku un bewaker riba tereno di prizòn.