GRONINGEN—Na sentro mediko universitario na Groningen un dama (35) a haña un kurason i un higra nobo den un operashon di mesun donante.

Segun e hospital ta promé biaha ku a hasi dos transplante den un operashon. E dama ta den bon kondishon i a start su revalidashon segun e hospital. e dama tin un defekto di kurason di nasementu serio, e no tin e banda drechi di su kurason. El a keda opera algun biaha kaba, pero e defekto a afekta su higra. Esaki ta okashoná hopi vogt i falta di rosea i kasi den tur kaso morto entre 30 i 40 aña. Na Hulanda tin algun shen hende ku e malesa segun e hospital. Un dòbel transplante ta mas mihó ku dos operashon segun e bosero. Esun ku haña kurason nobo mester bebe remedinan pa resto di nan bida pa e kurpa no rechasá e organo nobo. Si e pashènt haNa un higra despues ta difisil pa haña un ku ta kuadra ku e remedinan di e pashènt. Pone un higra nobo preventivo tampoko ta posibel pasobra no tin hopi donante. Solamente hendenan ku mester un organo nobo agudo ta bini na remarke pa transplante. E operashon a dura kasi 24 ora ku 17 spesialista médiko i 30 asistente. Tabatin años di preparashon pa e operashon. E tabata un operashon kompleho segun un sirugano. Pa e pashènt esaki ta nifiká un di dos bida. Den sentro di transplante na Groningen ta ehekuta frekuentemente transplantenan di kombinashon manera un kurason i pulmon. No a duna fecha di operashon di e dama pasobra asina por link e pashent ku e famia di e donante.