Willemstad  Polis  a  haña  nan  ta  detené  un  dama ku a propiná su pareha un hinka na altura di su pechu.

Ayera den oranan di anochi a pidi asistensia di Polis i tambe ambulans na Boka Gentil pa un kaso di maltrato ku arma unda un persona mester a resultá herida. Na yegada di Polis a bin resultá ku tabata trata di un problema entre di un pareha. Dado momento kosnan a bin sali  for  di  man  unda  e  dama  mester  a  kue  un  opheto  skerpi i a propiná e hòmber un hinka basta profundo na altura  di  su  pechu  banda  robes.    Ambulans  ku  a  presentá mesora a kuminsá atendé ku e víktima pa asina por a transporte mas lihé posibel pa CMC. Entretantu polis a bai atendé ku e dama sospechoso kual a keda detené i tambe a konfiská e kuchú pa mas investigashon.  E dama a keda presentá dilanti un Fiskal Ousiliar kual  a  ordená  su  enkarselashon  pendiente  e  investigashon ku tin ku kontinuá