Back to Top
Responsive image
E korant di pueblo

Subida drástiko di Covid na CMC a pone ku mester bakuná na Sambil


March 31, 2021 • 2 minüt pa lesa

A aserka Sambil pa por haña e lokalidat einan pa bakuna debí ku CMC mester di e departamentu di Ana Paviljoen

Punda—  Daniel Oleana kende ta Lider Operashonal a indiká ku mester a stòp ku bakunashon na Ana Paviljoen debí ku CMC lo bai tin mester di e sekshon aki debí na e subida drástiko di e pashènt nan ku Covid.

  Daniel a splika ku na e momentu nan aki e pashènt nan infektá ku Covid a subi drástiko i no por a keda uza e departamentu di Ana Paviljoen mas pa por bakuna. Pa e motibu aki a disidí di aserka Sambil mirando ku esaki lo por tin espasio mas grandi pa mas persona bai bakuna. E la indiká ku na e momentu nan aki CMC tin hopi mester di e parti aki, i sin ku CMC tabatin mester di dje ya nan mes tambe a kuminsá pensa un otro lokalidat pa persona nan por a bai kuminsá bakuna.

Sr. Daniel a sigui splika  ku lo por bai bakuna pa dia 1500 persona na Sambil,  mientras   ku na Ana Paviljoen  tabata bakuna  un kantidat di 200 pa 240 persona.  Dr. Semper tambe a splika ku e sekshon di Ana Paviljoen lo no bai wòrdu kita afó si no ku esaki lo bai muda pa e edifisio di Poli. E kantidat ku lo ba tin na Ana Paviljoen debí ku lo bai  na Poli e lo por bira mas tantu dus bo por oumentá proporshonalmente riba tur dos departamentu. P’esei ta muda nan dos i ku un bon planiashon pero tambe suerte ta spera ku no ta nesesario di bai bakuna mas.

A hasié e pregunta tambe di ku na e momentu nan aki tur persona ta wòrdu bakuna ku Pfizer i si esaki lo bai keda asina. Daniel a bisa ku lo bai sigui bakuna ku Pfizer, i ku a haña e informashon ku ta Pfizer ta e úniko ku lo bai keda bin di Hulanda pa e persona nan por haña pa bakuna.

Login