Back to Top
Vigilante banner image

Daño perhuisio pa viktimanan di krèsh


January 20, 2023 • 1 minüt pa lesa

EINDHOVEN—Abogadonan di 7 kriatura ku a keda seksualmente abusa na Eindhoven ta pidi un daño perhuisio di 5000 euro pa kada víktima.

Esaki pasobra a graba e abusu seksual. Ademas ta pidi pa kada víktima tambe un suma di 30.000 euro pa e violashon fisiko i integridat mental di e viktimanan, segun e abogadonan.realidat ta ku ningun plaka por tapa ni hustifika loke konsientemente a hasi kontra e muchanan, asina e abogadonan a bisa den korte di Den Bosch, segun Omroep Brabant. e sospechosonan Nancy D (54) i Peter S (59) a abusa seksualmente di 7 mucha muhe entre 1 pa 6 aña den añanan 2019-2021. E dua ku a rekonose kulpa tabata aktivo komo guia di mucha den regio di Eindhoven. Korte a keda den shòk ku e imagennan ku nan a graba di e abusunan. E kaso no ta limitá na e muchanan so, pero nan propio yu ku e mama a droga na kas pa abusa di dje. E yu ta spera ku e por rekuperá e konfiansa den humanidat i den su mes i ku nunka mas e ni e viktimanan pasa den tal atrosidat. D a yora di tende e palabranan di su yu muhe den korte. Ta duel e loke el a hasi su yu i e otro viktimanan. E mayornan no tabata den korte pero a laga representantenan lesa nan deklarashon den kua nan ta papia di un pesadia. E demanda di kastigu ta sigui otro siman.

Login