Segun CFT e hospital nobo sigur ta un di e kousanan di e debe ku pais tin aktualmente.

Willemstad,– Den e relato anual di College Financieel Toezicht ta para ku e debe di Kòrsou den periodo di krísis di Corona dor di e fiansanan di likides a bin kai den e zona di peliger,.

E zona di peliger ta kuminsá ora ku un pais su debe total ta di 70% òf mas kompará ku loke un pais ta gana den ekonomia , loke nan ta yama na Hulanda ‘het bruto binnenlands product”.

Kòrsou mester a sòru pa su debe no surpasá e 70% aki.

Un debe di alrededor  di 50% ku ta dependé di e trabou di gobièrnu, ahuste di e presupuesto i e situashon finansiero di e pais ta bastante pa wanta sla ekonómiko sin ku e finansa di gobièrnu kore peliger.

C M C

Promé ku e krísis di Corona, na 2016 e debe di Kòrsou tabata riba e 50% BBP i esei a konsekuensia di fiansanan ku a keda hasi pa finansiá konstrukshon di Curacao Medical Center.

Segun CFT e debe aktual di Kòrsou ta 4.230 miliart florin loke ta 81% di loke tur habitante i negoshi na Kòrsou ta gana pa aña.

E interes ku Kòrsou meter a paga over di e periodo konserní tabata entre 2,5 pa 4,5 porsentahe di loke tabata drenta riba “gewoone dienst”. Pa motibu ku Kòrsou a haña e fiansa di sosten di likides kontra 0 porshento di interes, e gastunan di interes di 2020 i 2021 no a subi.