Back to Top
Responsive image
E korant di pueblo

Demanda di 23 aña repartí pa rumannan Yeung


February 27, 2021 • 3 minüt pa lesa

E adrès na Jan Kok unda ku a konfiská basta kos i a detené e rumannan

Nieuwe Haven—Korte a trata kaso “Playboy” i “Toren” ayera, unda ku ta akusá dos ruman di Fam Yeung di ta involukrá den kaso di droga i arma di kandela. Ta trata aki di e hòmber nan Patrick Yeung i Louisyn Yeung, ku lo mester tabata den sala di korte huntu ku nan abogado nan mr. Peppie Sulvaran, mr. Athena Sulvaran i tambe mr. Marije Vaders.

Ta sospechá Louisyn i Patrick di tabata involukrá den un lote di 176 kilo kokaina i 1 arma kandela konfiská 10 di ougùstùs 2019. Tambe ta sospecha Louisyn di  basta arma i 182 kilo kokaina, ku lo a keda konfiská 16 di sèptèmber 2016. 30 di yüni di aña lo a konfiská 23 kilo di mariwana i esaki tambe kier pèrsigui Louisyn pe. Ta akusá Patrick tambe di ta involukrá ku 23 kilo di mariwana, dia 30 di Yüni di aña 2019. I riba e mesun fecha di 30 di Yüni aki, ta akus’é pa un Glock 26 ku 21 bala. I pa loke ta trata e akusado Louisyn korte tin mas akusashon kontra di dje. Paso korte ta di opinion ku e ta esun ku ta karga e nòmber “Barron” kual e ta e “Boss” riba e otro nan. Ta akusá Louisyn di un kantidat di arma di kandela i tambe munishon. Ta trata aki di arma nan potente i peligroso pa nos komunidat. Tambe ta akus’é di ta involukrá dia 13 di Sèptèmber di aña 2016 di un kalkulo di 11 kilo di mariwana.

Durante tratamentu di e kaso e Fiskal Janssen i Niks a trese dilanti un video ku warda kosta lo mester a graba riba e dia di 10 ougùstùs 2019. Den e video aki por a mira kon un boto ku par di hòmbu ariba ta yena na e kosta di Daaibooi ku un par di bulto den e boto. Dado momentu un pikòp lo mester a yega na e kosta i par di persona a baha i a tuma e bulto nan aki i a hinka nan den e pikòp. Despues e pikòp aki a kore bai na e kas na Jan Kok unda ku ta adrès di tata di e ruman nan Yeung. Despues ku e pikòp a yega na e kas e mester a bai na un mondi ku tin banda di un otro kas ku e ruman nan aki lo mester tabatin. Den e mondi aki por a mira kon nan a koba un buraku i a hinka e bulto nan aki den e buraku.

Na momentu ku Wes a puntra e akusado nan kiko ta lokual ku nan sa di esaki nan a bisa wes ku nan no sa i ku nan no tin di aber ku esaki. Tambe a wòrdu trese dilanti den korte ku a tap telefon tantu di Louisyn komo di Patrick. E akusado Louisyn OM a tap un total di 5 telefon di dje unda ku a haña kombersashon nan ku ta di importansia pa OM. I Patrick a logra konfiská un total di 4 telefon di dje. Na e bibienda na Jan Kok a bin enkontra un kantidat di paki di mariwana, i a puntra e akusado nan si nan lo por sa di ken esaki lo por ta. Tambe nan a bisa ku nan no sa i ku nan no ta biba na e kas na Jan Kok aki si no nan tata. Nan a splika ku tur lokual ku lo  a haña na e kas na Jan Kok no ta di nan i ku nan no sa di ken esaki lo por ta.

Fiskal ta bisa ku ta trata aki di hopi arma i hopi droga ku lo a bin enkontra. E la splika ku ainda ku e ta trese e kombersashon nan ku e la skucha ku Louisyn tabatin na telefon e ta keda para ariba ku no ta e i e ta haña esaki hopi erg. E la bisa ku e sa ku e situashon ku Louisyn ta aden aki ku su salu ta hopi difísil i ku esei no ta kita di ku e lo tin ku para responsabel pa esaki nan. E la pidi un demanda di 15 aña pa e akusado. I e otro ruman Patrick Fiskal a hasi un demanda di 8 aña pe. 

Login