Ostpùnt: área di Grupo Maal ku lo kai bou di maneho di Carmabi i restringí tambe pa akseso liber for di kosta pa piskadónan.

Punda—Gobièrnu di Korsou, den un un desishon ministerial, promové pa eks minister Zita Leito kier duna Carmabi maneho riba gran parti di kosta Sùit na Korsou. Un region sirkulando for di Jan Thiel te ku Ostpùnt inkluso tur laguna (binnenwater).

Ta e intenshon pa stòp piskamentu, ankramentu, dùikmentu i snorkelmentu pa un área di 100 meter pafó di kosta. Te intenshon pa Carmabi kuminsá kobra pa uzo dje área i entrada pa Carmabi por hasi “negoshi”.  Tin hasta prohibishon pa nabegá ku boto den sierto áreanan dje zona deliniá pa e dekreto. E dekreto ta wòrdu sostené pa un proyekto di lei i ta forma un menasa serio pa piskadónan di Korsou. Prinsipalmente piskamentu “di fondo” ta bira práktikamente imposibel den e zona deliniá”. Ta intenshon pa habri un parke supmarino (bou di laman) di Jan Thiel te ku Ostpùnt. Ta prohibí pa nabegá riba e parke supmarino kombiná ku ankramentu, dùikmentu i tampoko snorkelmentu. Hasta Scuba tampoko no ta tolerá sin e pèrmitnan nesesario.

E restrikshonnan lo ta vigente pa un strèch di 100 meter pafó di kosta Sùit i yega Ostpùnt. Te intenshon pa introdusí tambe un pèrmit di peska. Piskadónan mester registrá i apliká pa e pèrmit kual ta aplikabel solamente den sierto áreanan. Por konkluí fásil ku Carmabi ta bira e organisashon apoderá pa gobièrnu riba maneho dje kostanan deliniá den e lei nobo.