DEN HAAG—Munisipio di Den Haag lo akomodá solisitantenan asilo, i hendenan sin kas den un edifisio bieu di HagaZiekenhuis.

E munisipio despues di un debate fuerte djaweps anochi a bai di akuerdo ku finansiamentu di e plan, ku ta kosta 26,5 mion euro. Esaki segun Omroep West. Den último lunanan tabatin hopi protesta bou di habitantenan ku ta teme molèster di e solisitantenan asilo. For di 2025 Den Haag kier akomodá total di 740 persona den e edifisio, di kua 440 ta solisitante di asilo, 105 studiante, i algun famia sin kas i asiliadonan ku permit. E akomodashon aki lo mester dura máksimo 7 aña, pasobra despues e munisipio kier rekonstruí e hospital den un kompleho di apartamento. E munisipio a kumpra dos lokalidat bashí di HagaZiekenhuis fin di 2023, pa bibienda. Promé ku e debate mas di 20 residente di Den Haag a ekspresá nan preokupashon na konseho munisipal riba e plan di bibienda temporal. Un di nan a deskribí e plan komo konsentrashon di hendenan marginá riba otro, ku bisiñanan sospechoso ku ta sinti nan mes heridá. I aki nan por konstruí nan bida. Varios partido den konseho no ta kontentu ku e manera ku e bibienda temporal a keda atende pa e munisipio. A hasi uso di un taktika di atrako kontra e residentenan segun miembro Peeck (VVD). Mester a papia ku e residentenan promé pa despues tuma desishon. El a entregá un moshon di desaprobashon kontra e diputado responsabel, Marielle Vavier (Groenlinks) e moshon no a haña sufisiente sosten.