Back to Top
Vigilante banner image

Den kaso matrimonio mesun sekso: Amerigo Thode ta pidi pa laga kasashon kaba di tuma posishon


June 5, 2023 • 2 minüt pa lesa

WILLEMSTAD,– Amerigo Thode ta parlamentario di Kòrsou i e tambe ta presente na Hulanda pa IPKO. E ta lider di e frakshon di MFK i tambe lider di e delegashon di Kòrsou ku a bai IPKO na Hulanda. Pa loke ta e parti di deskriminashon  i e mundu di LGBTQ un parlamentario di Kòrsou i unu di Aruba a pega ku otro

Miéntras ku Rennox Calmes ku ta un parlamentario di Kòrsou ta bringa e derecho di pareha di mesun sekso, otro di Aruba Miguel Mansur a mustra ku esaki tambe ta deskriminashon.

E kos a bira un diskushon dado momentu den sala. Señor Amerigo Thode riba e tópiko aki ta splika ku hasta un miembro di Tweede Kamer a reakshoná fuertemente. Segun Thode kada pais por trese nan punto di agènda dilanti. E mes a sugerí nan den e reunion di IPKO ku ta tene na St Maarten i Kòrsou pa nan atendé esaki ku nan gobièrnu.

E ta un tema ku tin un sentensia kaba i ámbos pais a apelá e sentensia i a bai kasashon. Segun Thode mester laga Kasashon disidí riba e kaso aki di matrimonio di mesun sekso. Nos ta tumando posishon sin sa e resultado di Kasashon. Na Kòrsou un hues a disidí ku e ta bai subi riba stul di parlamento riba e tema di kasamentu di mesun sekso. E hues a tuma un desishon ku ta parlamento mester a tuma. For di komienso esaki tabata robes paso e hues mester keda den su ròl komo hues. Nan ta “rechtelijke macht” i nan keda einan.

Loke ta e aspekto di poder di aprobashon di lei, Thode ta bisa pa laga esaki pa parlamento hasi. Si e tema di matrimonio ta algu ku mester keda atendé den un konferensiá di reino, no por bin tira esaki riba Kòrsou ku ta organisá e konferensiá, pa toka e tema aki tambe. Amerigo Thode ta kere ku bo mester bai bo pais i bo komishon i bo parlamento pa asina tuma un posishon. E ta bisa ku einan ta disidí ku ta pone e tema di matrimonio di mesun sekso riba e agènda di konferensha di reino. Segun Amerigo Thode, awó mester respetá opinion di Kasashon.

Login