Back to Top
Vigilante banner image

Den tur mi añanan aktivo den farándula ningun mi a mira asina aki


May 25, 2021 • 1 minüt pa lesa

WILLEMSTAD,—-Djabièrnè tras di lomba tabatin un ambiente kaminda kue  front di agrupashon musikal E.R.A. a presentá. Ta trata aki di un tradishon ku ta tuma lugá tur djabièrnè, i ku esaki ta  tuma lugá na un Hotèl parti pabou di Brùg.

T’asina ku e músiko kompositor Bibi Gonet a bai sostené su koleganan músiko, kaminda ku nan tabata pone un ambiente tur afó. Un ambiente kaminda ku tur hende tabata sinta kómodo na nan sitio i asina gosa di e tres kantantenan di E.R.A. ku ta Boy Thode, Moises Ramos Jr i Reinier Liefrock. Ta trata aki di un ambiente ku a kuminsá despues di seis or i e ta kaba 10 or di anochi.

 T’asina ku tabata algu promé ku 10 or, nèt na momentu ku e kantante Reinier tabata kanta e último piesa, ku un grupo grandi di Polis a drenta den e sitio e para e ambiente, i esaki no a kai den bon tera serka e músiko Bibi Gonet. T’asina ku tur manera Bibi a puntra e Polisnan kiko a bai robes ku boso a drenta den e forma aki i para e ambiente.

Bibi a bisa e Polis nan ku “Den tur e aña nan ku mi tin aktivo den farándula, nunka mi a mira algu asina aki sosodé”. Bibi a keda ripití e mes un frase na diferente okashon i ningun di e Polisnan no por a duna un argumentu válido ku por a kombensé Bibi Gonet.

Login