Ivanon Coffie a hunga algun wega na tersera base pa e ekipo di Orioles. E tambe ta riba e muraya.

Willemstad,– Ayera deporte i turismo un biaha mas a integrá na momentu ku FDDK a desvelá e promé shete imágennan grandi riba e muraya di stadion di Rif parti sùit kaminda turistanan krusero ta yega na e Megapier.

E intenshon di esaki ta pa duna homenahe na nos 21 peloteronan ku a òf a yega di hunga den Liga Grandi. E akto bunita aki a tuma lugá ayera den presensia di ministernan i tambe direktor di FDKK. Tantu mandatarionan komo direktor di FK+DKK a bisa ku esaki ta demostrá ku Turismo i deporte mester kana huntu. Tambe a bisa ku esaki ya e promé shete nan i ku lo bai sigui pinta e sobra 14 karanan di e peloteronan riba e wall of fame di beisbòl pa despues tambe sigui agregá esnan ku lo bai yega den futuro.