Back to Top
Vigilante banner image

Problematika na CMC ta neglishá desishon di korte


October 29, 2022 • 2 minüt pa lesa

Korte: un veredikto a habri espasio pa introdusí tarifanan mas haltu na CMC pa e.o. evitá bankarota di e instituto. Pero awor un rapòrt di NZa, ta deskonsehá pa oumentá tarifa.

Punda— Fo’i inisio di milenio, Kòrsou ta bringando ku e fondonan sosial sin por solushoná. Despues di 2010, e komishon pa supervishon finansiero Cft tin 12 aña ta tratando na ehekutá un maneho kual tampoko no a trese niun solushon den e problemátika. 

Ta konosí ku na Mei último, Korte Komun, a emití un veredikto. Den e veredikto ei, unda CMC a entamá un demanda den kuadro di e problemátika riba kosto di kuido médiko, gobièrnu mester reakshoná. E reakshon ta bira un desishon i apoderashon serio pa stòp di evitá e kostonan haltu den kuido médiko i pa logra ménos gastu inefisiente ku mester kontribuí na mas efektividat.

Gobièrnu di Kòrsou, despues di e veredikto den korte a keda lomba kontra di muraya pa lokual ta trata  kontròl riba kostonan den Kuido Médiko. E veredikto a habri espasio pa introdusí tarifanan mas haltu na CMC pa e.o. evitá bankarota di e instituto. Pero awor, un rapòrt di e Instituto di Kuido na Hulanda, NZa, ta deskonsehá pa oumentá kobransa den forma di tarifanan mas haltu.

Konsekuentemente pa por kuminsá paga e tarifanan nobo, SVB mester kobra mas tantu sèn na e sektor laboral òf tin un di dos opshon, mihó kòntròl di kosto. Den un rapòrt trahá, pa un Grupo di Trabou kual rapòrt tambe a keda neglishá, tin tur detaye kon pa manehá un mihó kòntròl riba kosto den kuido médiko na Kòrsou. De fakto, den pasado SVB a risibi un karta for di Ministerio di Salubridat, e tempu ei manehá pa eks minister Camelia Romer. Den e karta menshoná, SVB a risibi e órden pa kuminsá ehekutá kontenido di e rapòrt pa por logra kòrta kosto den kuido médiko na 80 mion florin. Despues ku minister Camelia Romer a baha, e siguiente ministernan no a atendé e problemátika.

Un di dos problema den kuido médiko ta e pagamentu di e kontribushon nashonal na SVB. Anual ta bai entre 200 pa 300 mion pa “yuda” SVB ehekutá pago den kuido médiko debí na nesesidat pa finansiamentu di likides na SVB. Pa por kompará, ta trata di 2.1 bion florin a bai pa yuda SVB kubri gastu durante último 9 aña. E peso di SVB, a afektá presupuesto nashonal di Kòrsou, lagando poko espasio atras pa finansiá kostonan den desaroyo sosial, enseñansa, formashon i infrastruktura. E finansiamentu èkstra di SVB, ta e problema makro ekonómiko mas grandi pa solushoná na Kòrsou.

Login