Willemstad—— Deskuido di shofùr di un pikòp dor di keda sin hala hantrèm a pone ku pikòp a bek dal víktima pone ku e la bin fayesé den CMC debí na e leshonnan ku e la sufri.

Djabièrnè 25 di novèmber 2022 alrededor di 17.00’or, Sentral di Polis a risibí notifikashon di un insidente di tráfiko grave ku a tuma lugá na un kas den Kaya Locha. For di investigashon preliminar a sali na kla e víktima (un hòmber) a baha for di su pikòp pa e bai sera su porta di kurá. E víktima a lubidá di hala e brek di man (“hantrèm”) di su pikòp ku konsekuensia ku e pikòp aki lo mester a bèk ku un velosidat i dal’é víktima i bai basha e porta di kurá abou pa finalmente bai dal kontra di un muraya.  Mester a djèk e pikòp pa asina por a saka  e víktima for di bou di esaki. Ambulans ku a presentá na e sitio a transportá e víktima den di un situashon krítiko pa sala di emergensia di CMC pa ta tratamentu médiko. Ayera dia 27 di novèmber 2022 Sentral di Polis a risibí informashon ku e víktima a bin fayesé debí na múltiple leshonnan ku el a risibí. E hòmber víktima a keda identifiká komo Humphrey Jones Privania nasé na Kòrsou dia 21 di sèptèmber 1952. Pas na su restunan.