WILLEMSTAD,—-Aña 2021 a habri ku algun moveshon hopi interesante den e sektor farandulero. Di informashon risibí ta bisa ku e presentadó di notisia na Kanal 8 ku ta Sharifa Bashir, a bandoná kanal 8, t’asina ku djaweps siman pasá tabata su último dia di trabou.

Pero aparentemente e informashon aki mester a keda wanta den sekreto pa un ratu, pa asina no trese ningun pániko na Kanal 8. Sharifa sigur a laborá 10 aña na e kanal ariba menshoná. Vigilante Farándula a yama Sharira ayera na algun okashon, pero sin resultado deseá.

Despues ku no por a logra di haña kontakto ku Sharifa Bashir, Vigilante Farándula a drenta den kontakto ku Hugo Lew Yen Tai, ku ta Direktor di TeleCuraçao Kanal 8. Esaki tabata na momentu ku Vigilante Farándula a yama Hugo na un okashon sin resultado, pero den ménos ku 1 minüt Hugo mes a yama Vigilante Farándula, i despues ku a duna Hugo deseo di Bon Aña Nobo, den mes un rosea a puntra Hugo kiko tin di bèrdat ku Sharifa Bashir a bandoná Kanal 8, Hugo a bisa ku, “Esei ta kuadra ku realidat, for di djaweps siman pasá ku tabata dia 31 di desèmber tabata e lastu dia di labor di Sharifa na TeleCuraçao, loke so mi por bisabu ta ku el a bai pa kuminsá ku un reto nobo, el a laborá 10 aña na kanal 8. E informashon nan aki so ami por bisabu, si bo ke mas, bo tin ku tene kontakto ku Sharifa Bashir mes”.

Esaki ta loke ku Vigilante Farándula a bolbe hasi, pero esaki  resultá enbano. Pero si Vigilante Farándula a haña e informashon figo serka Hugo Lew Yen Tai, ku for di djaweps tras di lomba tabata Sharifa Bashir su último dia di trabou na Kanal 8, despues ku e la laborá 10 aña e kanal menshoná