AMSTERDAM—Ekonomia hulandes tabatin un kontrakshon leve di 0,1% den promé kuartal di 2024, segun CBS.

Fin di 2023 pa promé biaha den 9 luna tabatin kresementu, ku awor a baha atrobe. Esaki ta kuadra den e perspektiva ekonomiko ku pais ta den pa 1 aña i mei di stagnashon i kontrakshon leve. Fin di 2023 e tabata positivo ainda. Fin di 2023 e gastunan di konsumidonan a soru pa e oumento. Esaki a krese ku 0,7% den prome tres luna di aña. CBS ta menshoná spesifikamente paña, sapatunan i vakashonnan komo gastunan di mas importante. Pero e kresementu aki no tabata sufisiente grandi pa evitá e sifra negativo, okashoná pa bahada di 3,8% den industria. Industria tin un tempu problematiko tras di lomba prinsipalmente mashin ku transporte. Pero tin mas invershon den kompanianan hulandes, ku ta nifiká ku tin konfiansa den futuro. E bahada di 0,1% ta remarkabel pasobra paisnan miembro di Union Oropeo si a registrá un kresementu. Na Bèlgika e kresementu tabata 0,3%, na Alemania i Fransia 0,2% i den henter Union Oropeo 0,3%.