Back to Top
Vigilante banner image

Despues di transishon di CIBC First Caribbean na Kòrsou: Orco Bank ta yama bon biní na kliente nobo


May 28, 2024 • 1 minüt pa lesa

Willemstad, — Orco Bank, un banko konosí pa ofresé solushonnan kompletu, pa loke ta trata solushon bankario personal i di negoshi na Kòrsou, Boneiru, i Sint Maarten, ta kontentu di anunsiá un desaroyo importante den su strategia di kresementu.

Orco Bank ta kontento pa anunsiá ku e transishon na Kòrsou a bai bon dia 24 di Mei 2024. E banko ta yama tur kliente nobo bon biní na e famia di Orco Bank. E transishon eksitoso aki ta subrayá e dedikashon di Orco Bank pa garantisá un bon eksperensia pa e klientenan di CIBC First Caribbean na Kòrsou.  E kolaborashon entre Orco Bank i CIBC First Caribbean ta testiguá nan kompromiso pa mantené un nivel haltu di servisio na kliente durante e periodo di transishon. Esaki a marká un paso importante pa Orco Bank, i na mes momentu e ta ekspandé su presensia i mehorá aun mas e servisio ku e ta ofresé na su klientenan balioso.

Pa kualke informashon adishonal, klientenan por tuma kontakto ku Contact Center di Orco Bank na (+599 9) 732 7070, WhatsApp: (+599 9) 732 7000, òf e-mail [email protected].  E tim di Orco Bank ta kla pa asistí ku kualke pregunta òf supòrt nesesario durante e temporada eksitante di kresementu i transishon.

Login