Punda– E siman aki Ministerio di Tráfiko, Transporte i Planifikashon Urbano (VVRP) ta kuminsá ku e proseso di destaho públiko pa haña un operadó nobo pa maneho di parkeo den sentro di siudat pa e periodo di 2021 pa 2025. VVRP ta hasi un yamada na kompanianan i organisashonnan ku ta deseá di partisipá na e destaho públiko akí pa entrante djaweps 19 di novèmber tuma kontakto ku Servisio pa Obra Públiko (OW). OW ta enkargá ku kordinashon di e destaho i pues lo tin tur informashon, splikashon i e “bestek”.