Monumento di katibu den Amsterdam Oosterpark.
Willemstad,— Esaki ta deklarashon di fuentenan for di Hulanda mes. Pa e akontesimentu aki shete miembro di e gabinete lo biaha pa Sürnam i e parti Karibense di Reinado Hulandes nan lo ekspresá nan duele na nòmber di Hulanda.
Promé Minister Rutte lo hasi e mesun kos na Hulanda. Den e luna aki mes a sali publiká ku e gabinete lo pidi despensa pa e partisipashon di Hulanda den e pasado di katibu. Despues ku un delegashon a sali Sürnam Kòrsou i Boneiru, Tweede Kamer tambe a para ariba pa esaki sosodé. Durante un bishita na Sürnam den luna di sèptèmber Rutte a bisa ku 2023 lo ta e aña di rekonosimentu di e pasado di katibu, Otro aña ta kumpli 150 aña ku e periodo di katibu den kolonia Hulandes a yega na su fin. Na kambio di aña awor pa e rekòrt ku 150 aña pasa nos tabata katibu, gabinete Hulandes lo bai rekonosé nan partisipashon i pidi e despensa tan spera.