Back to Top
Vigilante banner image

Dia di Mama pero no mag di sali kas


May 7, 2021 • 1 minüt pa lesa

WILLEMSTAD,—-Ta falta nèt dos dia nan pa e fecha di Dia di Mama. Ta trata aki di un fecha ku tur aña di nobo semper ta hala bastante atenshon, paso riba e fecha semper sa tin masha hopi konsierto i tambe diferente otro aktividatnan pa Dia di Mama.

Si tur por kòrda, na 2020 tabatin e mes un situashon, pero e diferensia ta ku, kada Mama por a haña bishita di nan yu i òf yunan. Pero e aña aki te ainda, esei si no ta e kaso. Te ku ayera nochi lat no a drenta ningun komunikado i òf anunsio di parti di Gobièrnu demishonario di Kòrsou, ku si ta bai tin kambio si òf no.

Paso manera ya ta konosí ya pa algun siman, ku riba djadumingu ningun hende no tin mas di subi kaya. Pues esaki sigur lo bai ta un sla hopi duru pa tantu e mamanan pero tambe pa e yunan ku no por bai bishita nan mama riba dia di mama.

Hopi siudadano ta spera ku durante di dia awe, lo bai bin un kambio den esaki. Pero te na e momentunan aki, tur kos ta mustra i indiká ku djadumingu awor ta paden, paden ta. Manera ku e hóbennan di awendia ta bisa.



Login