Back to Top
Vigilante banner image

Diferente akshon di limpiesa den Koraal Specht


May 14, 2024 • 1 minüt pa lesa

Kantidat di shushi a wòrdu limpiá.

Koraalspecht,– Ayera riba djaluna 13 di mei, por nota ku tin un limpiesa ta tumando lugá den e bario di Koraalspecht.

Demas investigashon a resultá ku ta parlamentario di MFK, Juniel Carolina, ta kordiná e trabounan di kimpiesa den e bario. Ta trata di un limpiesa na e plenchi, kanchanan deportivo i sitionan di dùmp shushi riba forma ilegal den e bario. Mas aleu Carolina a duna palabra di gratitut den direkshon di promé minister Pik Pisas i minister di VVRP, Charles Cooper.

E akshon nan a kuminsá riba djaluna den oranan di mainta. E sitionan prinsipal ku ta bai keda limpiá ta e kancha deportivo den Kaya Lando, e plenchi di rekreo den Kaya Tinashi i tambe deshasí shushinan ilegal situá dilanti di e sentro di bario dilanti skol Marietta Alberto. Mas aleu, Micheal Lesly ta keda enkargá ku supervishondi henter e proyekto i e intenshon ta pa sigui ku e trabounan di limpiesa den otro barionan tambe.

Den un kòmbersashon ku e parlamentario Juniel Carolina, ya kaba tin un plan pa ehekutá limpiesanan struktural den bario. For di 2021 bou di èks minister di GMN, Dorothy Pieterz-Janga, un plan tabata riba mesa. Den kuadro di esaki, Carolina a splika ku el a duna hopi input den e plan aki. E plan ta splika entre otro ku mester hasi limpiesa na kanchanan deportivo i diferente sitio den barionan inkluso roinan yená ku palu, mata i otro shushi ilegal. Mas aleu, e plan ta inkluí ku personanan desabilitá tambe por risibí servisio pa limpia nan kuránan, mediante e plan aki.

Login