Back to Top
Responsive image
E korant di pueblo

Diferente Flamingo pegá den liñanan di piska: algun a muri


May 10, 2021 • 2 minüt pa lesa

Libu—De área di Libu, Boka  Sami  i  lagunanan  artifisial di Blue Bay tin diferente  Flamingo  den  problema.  Esaki  ta  lokual  veterinario  Odette  Doest a duna di konosé na Vigilante.

Segun   Doest   ta   trata   di  un  fenómeno  ku  ta  tumando lugá último 4 pa 6 siman, unda a bin deskubrí  un  kantidat  di  e  paranan pegá den liña di piska. A bin nota e desaroyo despues   ku   opservadónan a nota ku un kantidat di  e  Flamingonan  tabatin  liña di piska pegá na nan patanan. Ora  e  bestianan  bula  bai,  ta  nota  un  pida  liña  di  por  lo  ménos  3  meter  pegá  patras  na  nan  patanan.    E    Flamingonan    ku  e  pega  den  e  liñanan  di  piska  ta  konfrontando  hopi  problema  pa  sobrebibí  pasobra  nan  no  por  biba normal mas i tin miedu pa e liña no pega den baranka ku por pone nan keda  sin  bula  bai  òf  hasta  hoga  den  e  awanan  di  Libu,  Boka  Sami  òf  Blue  Bay. 

Tambe  ta  notando  ku  e  grupo  ta  keda  riba  un  distansha  for  di  esnan ku tin e liñanan pegá.    Ta  sospecha  ku  e  bestianan ta pega den Libu i den Boka Sami i algun ta logra  bula  yega  na  Blue  Bay.    Manera  menshoná,  segun  Doest  ta  notando  un oumento den kasonan último 4 pa 6 siman, pero den pasado e ta risibi por lo  ménos  5  notifikashon  pa  aña  di  Flamingo  pegá  den liña di piska.  E  veterinario  a  bisa  ku tin biaha e paranan ta bringa ku e liña asina largu ku nan ta bin fayesé di “fatiga”,  kansansio.  E  te  pensa e por ta liña di piskadónan  ku  ta  pone  liña  den e lagunanan òf di fli i kisas hasta por tin hende ta  pone  trampa  pa  kome  e bestianan.



Login