Willemstad —–Diferente parti di Kòrsou a haña bastante áwaseru. Probablemente dor di e yobida aki algun vehíkulo por a pèrdè nan plachi di number.

 Den área di Roi Katochi a haña diferente plachi di number i ta buskando doño di esakinan. Nos kier a yama doño di e plachi di numbernan aki pa pasa na Departamentu di Komunikashon i Prevenshon riba Winston Churchillweg z/n ku nan karchi di kùr pa asina nan por haña nan plachi di number. Por pasa djaluna 22 di mart entre 10or pa 12or di mainta i 15.30or pa 17.30or. Pa mas informashon por tuma kontakto ku Departamentu di Komunikashon i Prevenshon via number di telefòn 866-6150 òf 866-6152. Ta trata di : X 21 – 19 J 87 – 76 J 80 – 17 A 24 – 70 R 53 – 28 A 94 – 3 A 73 – 5 R 4 – 60 A 76 – 39 H 64 – 98 X 62 – 17.

Un súplika ta bai na doño di un vehíkulo motorisa pa korda pega nan plachi di number na un manera ku no ta fasil pa e kita for di e vehíkulo.