Back to Top
Responsive image
E korant di pueblo

Diferente posibel alternativa pa kampionatonan FFK/2020/2021


May 8, 2021 • 1 minüt pa lesa

WILLEMSTAD—Diferente ta e posibel alternativanan ku a bini dilanti, pa loke ta kampionatonan di futbòl FFK Senior 2020/2021. Esaki despues ku dirigentenan di FFK a reuní ku dirigentenan di e diferente ekiponan. Un ke otro riba algun tópiko, unda a skucha opinion i sugerensianan, pa kon lo por sigui i kiko lo bai tuma lugá, na momentu ku ta asina leu, ku por hasi deporte den grupo atrobe riba nos isla.

For di e reunionnan aki a sali algun alternativa, kual ta entre otro lo siguiente:

Despues ku duna e ekiponan espasio pa por práktika, por kontinuá hungando e diferente kampionatonan, unda e final lo por ta na luna di yanüari di otro aña.

Tambe a proponé ku lo por sigui ku e kampionatonan, pero hasiendo e esfuerso pa tòg finalisá e aña aki mes, pa mas tardá na luna di desèmber próksimo.

Tin proposishon pa kanselá kampionatonan 2020/2021 i hunga un torneo di kalentamentu entre e ekiponan durante di lunanan di yüni/yüli te ku sèptèmber, pa asina inisiá temporada 2021/2022 na luna di òktober 2021.

Mas aleu ta hasi un apelashon tambe ainda, pa si tin mas proposishon pa por komuniká esakinan ku FFK, pa mas tardá djamars benidero.

Finalmente tambe ya tin 2 diferente proposishon, pa ku e temporada benidero, 2021/2022, unda lo bin bèk ariba i trata esakinan apart.

Login