Back to Top
Vigilante banner image

Digicel a rekonektá telefon postpago i internèt di kas di tur kliente ku tabata deskonektá


June 29, 2022 • 2 minüt pa lesa

Willemstad- Ku menasa di tormenta tropikal Bonnie pa islanan ABC durante di e próksimo oranan, Digicel a rekonektá tur kliente postpago i di internèt di kas ku anteriormente tabata deskonektá pa motibu di faktura atrasá òf pagonan no risibí. CEO di Digicel, Roeland van der Hoeven ta urgi tur hende pa prepará i pa mantené nan famia salvo , bisando; “Nos preokupashon primario ta siguridat di e komunidat di Kòrsou. Den e próksimo oranan konektividat i komunikashon kontinuo ta esensial, ta p’esei mes nos a disidí di rekonektá tur kliente.” Digicel ta informá ku ta ekstendé e fecha di pago te ku djaluna dia 4 di yüli, 2022.

Digicel ta prepará pa e tormenta tropikal

Tambe Digicel a aktivá su plan di kontingensia pa sigurá ku tur kos ta na lugá p’asina manehá e próksimo dianan di e mihó manera. Ta nos mishon pa tene bo konektá- tur kaminda i na tur momentu. Nos ta tuma e responsabilidat aki hopi na serio i a bin ta traha nònstòp pa sigurá ku tur kos ta na su lugá.

Spesífikamente, Digicel a pasa dor di su ‘check list’ i tur prueba a keda hasí na satisfakshon. A hasi mantenementu na Digicel su infrastruktura, tur generator ta na lugá i nos tim ta riba ‘stand-by’. Adishonalmente, Digicel a bin ta kordiná ku diferente departamento den region kondusiendo diferente briefing i manteniendo nos mes na altura di tur desaroyo. Nos tim tékniko na islanan ABC ta ‘on call’ i klá pa drenta akshon si esaki mester.

CEO di Digicel, Roeland van der Hoeven ta kontinuá bisando; Nos ke tuma e oportunidat aki pa kòrda tur hende pa tuma e pasonan nesesario pa mantené nan mes salvo i prepará pa e tormenta. Almasená kuminda básiko, sigurá nan kas i e área rònt di kas, rekargá bo telefòn selular di Digicel ku sufisiente krédito pa yamada di manera ku bo por mantené kontakto ku bo sernan kerí.”



Login