WILLEMSTAD: Digicel un bes mas ta krea eksperensianan inolvidabel, i den esaki ta pone klientenan sentral. E temporada aki ta pone énfasis riba elemento “tempu”. Esta bunita pasa temporada di fin di aña huntu den famia, ku sernan kerí, amigu i koleganan. Ta despues di 2 aña ku nos por brasa otro i sinta na mesa pa un sena di Pasku. Pasa tempu huntu; a bira e regalo mas balorá! Roeland van der Hoeven ta komentá ku e aña aki klientenan un biaha mas lo tin chèns di gana premionan ekstraordinario partisipando kampaña i promoshonnan dinámiko di Digicel. “Nos tin mas ku $10,000 na premio e temporada aki! Oumento di preis di tantu komestibel i kombustibel kousá pa situashon mundial a pone preshon riba presupuesto di tur hende. Ta p’esei mes di un manera dibertido nos ke duna tur kliente chèns di gana, inkluyendo premionan kèsh!”

Duna bo famia e ‘Regalo di Tempu’:

E temporada aki ta ideal pa pasa tempu ku bo sernan kerí. Pa esnan ku tin famia den eksterior; un konekshon di Digicel ta sinti mané ta akinan mes! E ta muchu mas ku risibi ‘data pa no kaba’, e ta nifiká eksperensiá momentunan inolvidabel. Pasa tempu riba un ‘video òf voice call’, mira ‘live stream’ di famia, i amigunan bibando den eksterior.

Un regalo pa tur miembro di famia:

E fin di aña aki lo por tin un regalo pa tur miembro di famia òf amigunan ya ku Digicel lo ofresé 25% di deskuento riba tur telefon pòspago i prépago. Klientenan pòspago nobo lo risibí un Samsung A23 grátis ora suskribí na un kontrakt di 2 aña pa e plan ‘Prime More’ di 110,= pa luna. Klientenan ku opta pa un kontrakt di 2 aña p’e plan ‘Prime Extra’ di 150,= mensual lo risibí un Samsung A33 grátis

Bo tempu ta bal, premio na granèl!

Pa kada florin klientenan pòspago i prépago lo risibi un lòt, esaki ta duna chèns di gana premionan semanal i drenta e ‘Cash Vault’! E ‘Cash Vault’ ta un kluis yen di airu i sèn fiktisio; unabes aktivá, e sèn lo sirkulá manera un ‘twister’, e kliente mester purba ‘gara’ mas tantu sèn òf premio ku e por. Aktivá un Prime Bundle òf paga bo faktura pòspago- tur esaki fásilmente den e MyDigicel App. Regalá bo ser kerí un telefon i akumulá bo lòtnan. E lòtnan ta bal ‘tempu’ den Digicel su ‘Cash Vault’.  Tur djabièrnè, kuminsando dia 24 di Novèmber, lo yama 2 kliente ganadó pa drenta Digicel su ‘Cash Vault’. Ta nifiká ku bo mester tin bo telefon serka. Klientenan ganadó lo drenta e ‘kluis’ di Digicel. Kuantu premio abo por ‘gara’ den e mínimo kantidat di sekònde? Na final di e kampaña lo tin un ‘Grand Prize Winner’. *Tin kondishonnan aplikabel.

Ta invitá tur kliente pa keda pendiente ya ku tin hopi momentunan ekstraordinario ku Digicel lo kompartí ku nan e fin di aña aki! Bishitá e página di Facebook òf www.digicelcuracao.com pa fechanan di Shopping Nights, mas detaye, regla i kondishon di partisipashon. Digicel ta deseá henter pueblo di Kòrsou un felis temporada di fin di aña! E kampaña aki ta bálido for di 18 di novèmber,2022 te 6 di yanüari, 2023.