Ta mió adaptá awor aki na outo eléktriko paso e ta un inovashon ku nos no lo bai skapa di dje.

VEERIS,– Dennis Brouwer di Alltocar ta splika ku vehíkulonan eléktriko ta futuro di awor te ku aki 20 pa 30 aña sigur riba merkado mundial. “Si hendenan kuminsá hasi uzo di e outonan aki, nan lo ta hopi mas delantá ku esnan ku ta kumbre despues”.

https://www.facebook.com/reel/1490747628227720

E problema mundial ta ku gasolin ta bira mas karu i mas difísil pa haña i pues ta henter mundu ta buskando un solushon pasombra gasolin ta kostando sèn, Brouwer ta splika. Pa krusa e barera pa kumpra un outo eléktriko mester duna e kliente hopi informashon. Tin hopi konkurensia rònt mundu pero e servisio na e kliente ta bai konta. Nos komunidat a lanta den outonan oropeo, hapones, asiátiko. Un outo gasolin chines ta kana 15 aña atras pero e outonan chines eléktriko ta kana 5 aña dilanti.

https://www.facebook.com/reel/1441055323267817

Segun Brouwer e outo eléktriko ta un inovashon ku nos komunidat no por evitá. “Nos kompania Alltocar a kuminsá na Aruba i ta eksistente pa 5-6 aña kaba”. E kompania a kuminsá ku e servisio di mantenshon di diferente marka di outo ku ta uza gasolin i tambe disel. Despues Alltocar a bira un diler den outo den kual a opta pa bin ku outo eléktriko i esaki tabata un éksito na Aruba dor ku e kalidat di e outo tabata papia pa su mes. Segun Dennis Brouwer por ferwagt ku esaki ta bai pasa na Kòrsou tambe.

NOTE: This Car is Now available from Nafl 55.950,= Call now: 5263144. Reference Vigilante Online