Back to Top
Vigilante banner image

Dirigentenan no kier pa tarda mashá riba respondi di FIFA


January 11, 2025 • 1 minüt pa lesa

Reggie Carolina: Dirigentenan no kier pa warda masha pa sa kiko FIFA tin di bisa. Nan kier p’e Komishon di Normalisashon laga sa mas lihé posibel kiko FIFA tin di bisa. Nan kier nan reunion general pa trata e 3 puntonan krusial pa sa kon ta para ku futbòl.

WILLEMSTAD—E echo ku ekiponan a pidi pa un reunion general promé ku 15 di yanüari i ku lo no keda konsedé pa Komishon di Normalisashon a pèrkurá pa sierto preokupashon bou di dirigentenan di futbòl lokal.

Manera nos a publiká ayera ta asina ku Reggie Carolina kende ta presidente di e Komishon di Normalisashon a duna di konosé ku e petishon pa reunion general promé ku 15 di yanüari no por keda honra, debí ku e ta wardando riba un kontesta di FIFA/CONCACAF. Den transkurso dje dia di ayera nos a keda informá ku dirigentenan di futbòl ta preokupá. Nan no kier pa FIFA tuma hopi tempu pa partisipá Kòrsou nada. Nan no kier pa tarda masha riba e respondi di FIFA. Nos a keda informá ku dirigentenan di futbòl kier p’esaki ta konosí mas lihé ku ta posibel, di moda ku e reunion general por sigui. Ta asina ku e dirigentenan kier atendé e 3 puntonan krusial i ta p’esei nan a hasi apelashon pa un reunion general.

Login