Back to Top
Vigilante banner image

Torneo ABC di Karate na Kòrsou


June 30, 2021 • 1 minüt pa lesa

Karatekanan ku lo bai ta den akshon.

WILLEMSTAD—Curaçao Karate Bond (CuKarBo) despues di a organisá nan eksitoso kampeonato tékniko dos siman pasá, ta sigui ku su aktividatnan deportivo.

Djasabra benidero, riba fecha 3 yüli 2021, pa 2’or di atardi, ta ranka sali ku e Torneo di Karate ABC (Aruba, Boneiru i Curaçao). E aktividat aki ta tuma lugá na sala deportivo Johan Cruyff na Mon Repos.

E kompetensianan entre e karatekanan di nos islanan ruman, ta konsentrá tantu riba Kata (demonstrashon) i Kumite (Pelea). Públiko lokal por akudí libremente na e aktividat aki, ya komo entrada ta grátis. Indudablemente nos karatekanan ta bai duna tur loke ku tin p’asina garantisá un evento eksitoso. 

CuKarBo ta sigui ku su aktividatnan deportivo den futuro serkano tambe. P’esei  mester mira e Torneo ABC aki, komo un preparashon i kalentamentu pa e tradishonal “Curaçao Open”, ku ta keda organisá den luna di òktober, ya pa mas di 10 aña kaba. Pa e ‘Curaçao Open’ di e aña aki, CuKarBo ta spera un kantidat grandi di atleta, tantu for di e kontinente merikano komo tambe esun europeo.

Login