WILLEMSTAD,—-Djasabra awor, dia 11 mart 2023, lo bai tin entrega di premio, pa loke ta marchanan ku tabatin durante di temporada di karnaval ku ta tras di lomba, ku eksepshon di di e marcha di karnaval di Bándabou.

Ta asina ku djasabra awor e aktividat ta bai tuma lugá den Hòfi Popo Royer, kaminda ku lo bai tin aktuashon di agrupashon musikal “Grik” i tambe lo bai tei Rei di Tumba, Ray Lauffer, kende lo presentá ku agrupashon musikal “Grik”.

Pues djasabra awor tur hende lo bai tende i sa kua ta e grupo di aña hubenil, tiner, marcha grandi i tambe marcha di kabai. Loke ku tur hende kier a sa, nan lo bai haña sa, djasabra awor na Hòfi Popo Royer na Bándabou.

Despues di djasabra awor e organisashon lo bai algun siman ku fakansi, pero nan lo ta bèk na luna di mei benidero, paso trabounan tin ku sigui paso pa loke ta trata temporada di karnaval 2024, esaki lo bai ta mas kòrtiku ku esun ku ta tras di lomba.

Un ke otro ta pone ku e organisashon ku ta enkabesá pa ‘Manchi’ Harms tin trabounan duru ta spera nan. Pero loke ku tur hende ta pendiente di dje, ku lo mester a tuma lugá for di dia 25 di febrüari tras di lomba, ta bai tuma lugá djasabra awor na Hòfi Popo Royer.