Back to Top
Vigilante banner image

Djaweps awor mundu lo bai mira un show riba nivel haltisimo


December 22, 2020 • 2 minüt pa lesa

WILLEMSTAD,—-COVID 19 sin duda a trese masha hopi kambio den farándula na Hulanda. Hopi músiko i promotornan, di ningun manera no a mira esaki ta bin. Tin un tempu hopi kòrtiku, ku ta mas o ménos 9 luna, farándula a ta paralisá,pero esaki no ta konta pa Hulanda so, pero rònt mundu.

Vigilante Farándula a tuma nota, ku djaweps awor lo bai tin un show virtual ku ta hiba di nòmber  “Christmas Live: Den kas di tur Famia.”. pa ku esaki Vigilante Farándula a drenta den kontakto ku Glennsyl “Chucho” Albertina, ku sigur no ta un deskonosí den mundu Farandulero den reino Hulandes. Ta trata aki di un promotor hopi eksitoso.

E evento show virtual ta konsistí di un versalidat musikal enorme ku ta ofresé diferente género pa henter famia por disfrutá. E artistanan ku lo bai tei ta, Agrupashon musikal CACHE ROYAL, BOECHI, JAHARI, TSeaN, 2SYNC i hopi mas. Tambe lo bai tin presentashon den e género di Tambú di parti di ENCHI I SU GRUPO.

Pero loke ku Vigilante Farándula tabata ker a sa, kon”Chucho” ta mira futuro di farándula, tantu esun di Hulanda, pero tambe esun di Reino Hulandes, esaki ta loke ku “Chucho a bisa, “Lagami Sali bisabu esaki, for di Kòrsou mester a bin dos popular kantante di Ritmo Kombiná, ku ta DjuDju-V i Ray, tur kos tabata práktikamente kla, pero e regla ku Hulanda a pone, a stroba ku e dos kantantenan tambe por a presentá den e show di djaweps. Pa loke ta trata e parti virtual, nos lo keda den kombinashon na momentu ku tur kos normalisá tambe, paso tin hende na kas òf otro parti di mundu ku tambe por gosa di e show i fiesta virtual den futuro. Normalmente mi mester tabata na Kòrsou for di e wikènt, paso dia 29 di desèmber mi mester tabatin e tradishon di diferente artista for di Hulanda, pero COVID 19 a para tur kos. Pa ku e show di djaweps awor, e reakshon ta hopi positivo, tantu aki na Hulanda i na Kòrsou i den Caribe. Na Kòrsou esunnan ku ta interesá den karchi, por haña esaki na tur e punto di benta nan di Korant Vigilante, kòrda  ku, e show ta tuma lugá 24 di desèmber próksimo i lo kuminsá 12AM na Hulanda i 7 PM na Kòrsou”.

Login